Óskemen – Semeı jolynyń 51 shaqyrymy jańartylyp jatyr
SEMEI. KAZINFORM – Abaı oblysynda respýblıkalyq mańyzy bar «Óskemen – Semeı» avtojolynyń 147-198 shaqyrym aralyǵynda ortasha jóndeý jumystary júrgizilýde.
Jalpy uzyndyǵy 51 shaqyrymdy quraıtyn ýchaskede asfaltbeton jamylǵysy jonylyp, jol jabyny jańartylyp jatyr.
- Joba aıasynda qazirgi ýaqytta 44,8 shaqyrym aýmaqta usaq túıirshikti asfaltobeton jabyny tóselgen.
Qurylys jumystaryna 23 arnaıy tehnıka jumyldyrylǵan, - dep jazdy QazAvtoJoldan.
Mamandardyń aıtýynsha, jóndeý jumystary jol sapasyn jaqsartýǵa, qozǵalys qaýipsizdigin arttyrýǵa jáne júrgizýshilerge qolaıly jaǵdaı jasaýǵa baǵyttalǵan.
Aıta keteıik, SQO-da respýblıkalyq jol ýchaskesi toǵyz jyldan beri jóndelip jatyr.
