«Óskemen-Semeı» tasjolynda kólik qozǵalysyna tyıym salyndy
ÓSKEMEN. QazAqparat – Shyǵys Qazaqstan oblysynda birqatar jol jabyldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 24 jeltoqsanda kún raıynyń nasharlaýyna, naqty aıtqanda qatty boran soǵyp, joldyń nashar kórinýine baılanysty saǵat 10.00-den bastap respýblıkalyq mańyzy bar «Óskemen-Semeı» tasjolynda kóliktiń barlyq túri úshin qozǵalys jabyldy.
Sondaı-aq «Semeı-RF shekarasy» tasjolynda (Semeı qalasy men Qalbataý aýylynyń aralyǵy) avtobýstar men júk kólikteriniń qatynaýyna shekteý qoıyldy.
Esterińizge sala ketsek, osyǵan deıin «Semeı-Kýrchatov» tasjolynyń 4-130 shaqyrymy jáne «Semeı-Qaraýyl» tasjolynyń 4-182 shaqyrymy kóliktiń barlyq túrleri úshin jabylǵany habarlanǵan bolatyn.
