Óskemen-Semeı tasjolynda kólik qozǵalysy shekteldi

ÓSKEMEN. QazAqparat – Óskemen-Semeı tasjolynda kólik qozǵalysy shekteldi, dep habarlaıdy QazAqparat tilshisi.

ShQO Tótenshe jaǵdaılar baspasóz qyzmetiniń málimetine súıensek, aýa temperatýrasynyń 30 grýdýsqa deıin tómendeýine jáne joldyń durys kórinbeýine baılanysty tasjoldardyń birinde kólik qozǵalysy shekteldi.

«Jolaýshy tasymaldaıtyn reıstik avtobýstarǵa jáne dızeldi qozǵaltqyshtarmen jabdyqtalǵan avtokólikterge Óskemen-Semeı tasjolynyń 10 -198 shaqyrymynda (Gerasımovka aýyly men Semeı qalasynyń aralyǵy) qatynaýǵa tyıym salyndy», - dep habarlady vedomstvo ókilderi.

Osy rette, qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi. Eger jolda qandaı da bir qıyndyqqa tap bolsańyzdar birden «112» nómirine qońyraý shalyńyzdar.