«Óskemen - Semeı» tasjolynda kele jatqan júk kóligi órtenip ketti
ÓSKEMEN. QazAqparat – Shyǵys Qazaqstan oblysyndaǵy «Óskemen-Semeı» tasjolynda kele jatqan júk kóligi otqa orandy, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, «Óskemen-Semeı» tasjolynyń 88 shaqyrymynda kele jatqan 1993 jylǵy «Iveko Fiat» markaly júk kóligi órtengen.
«Kólik kabınasyn, dońgólekter men tıelgen taýarlardy qyzyl jalyn sharpyǵan. Oqıǵa ornyna órt sóndirýshiler shuǵyl kelip jetti. Kóp uzamaı jalpy aýdany 30 sharshy merdi quraǵan tilsiz jaý tolyqtaı aýyzdyqtaldy», - dep habarlady vedomstvo ókilderi.
Aldyn ala málimet boıynsha órttiń shyǵý sebebi – qaýiptiligi joǵary agregatpen abaısyz jumys atqarýdan bolýy múmkin.
Osy rette,qutqarýshylar kólik júrgizýshilerine órt qaýipsizdigin qatań saqtaý qajettigin eskertedi.
