«Óskemen-Semeı» tasjolynda jol apatynan 2 adam kóz jumdy

Óskemen men Semeı qalalarynyń arasyndaǵy tasjolda eki kólik soqtyǵysyp, 2 adam kóz jumdy, dep habarlaıdy Kazinform. 

ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 9 qańtarda «Óskemen-Semeı» tasjolynyń 23-shi shaqyrymynda Saratovka kentiniń mańynda bolǵan.

«Chevrolet Niva» jáne «Toyota» markaly kólikter soqtyǵysyp qaldy. Sonyń saldarynan eki jolaýshy sol jerde kóz jumdy. Qazirgi ýaqytta Qazaqstan Respýblıkasy Qylmystyq Kodeksiniń 345-baby 4-bóligine (Kólik quraldaryn basqaratyn adamdardyń abaısyzda birneshe adamnyń ólimine ákep soqtyrǵan jol qozǵalysy nemese kólik quraldaryn paıdalaný erejelerin buzýy) sáıkes sotqa deıingi tergeý amaldary bastaldy», - delingen aqparatta.

Oqıǵanyń barlyq mán-jaıyn anyqtaý úshin tıisti saraptamalar taǵaıyndaldy.