Óskemen – Semeı tasjoly jóndelip jatyr
ASTANA. KAZINFORM – Abaı oblysynda respýblıkalyq mańyzy bar Óskemen – Semeı avtojolynyń 147–198 shaqyrym aralyǵynda ortasha jóndeý jumystary júrgizilýde.
Jalpy uzyndyǵy 51 shaqyrymdy qamtıtyn joba aıasynda joldyń birqatar ýchaskesinde jańartý jumystary atqarylǵan.
– Qazirgi tańda 43,4 shaqyrymda asfaltbeton jamylǵysy jonylyp, 43 shaqyrymǵa iri túıirshikti asfaltbeton tóseldi. Jóndeý jumystary belgilengen kestege sáıkes jalǵasyp jatyr, – delingen «QazAvtoJol» ulttyq kompanııasynyń habarlamasynda.
Jol-qurylys jumystaryna 23 arnaıy tehnıka tartylǵan. Qazirgi ýaqytta jol jamylǵysyn jańartý jumystary qarqyndy júrgizilip jatyr.
Atalǵan joba óńirdegi kólik qatynasynyń sapasyn arttyryp, jol qozǵalysy qaýipsizdigin qamtamasyz etýge baǵyttalǵan.
Aıta keteıik, Qazaqstan men Qytaı jol salasynda halyqaralyq standarttardy birlesip ázirlemek.