«Óskemen-Semeı» kúrejolynda birden úsh avtokólik soqtyǵysty, qurbandar men zardap shekkender bar - QR TJM
TANA. 29 qazan. QazAqparat - «Óskemen-Semeı» avtojolynda úsh kóliktiń qatysýymen bolǵan iri jol apatynda 2 adam mert bolyp, taǵy 6-ýy jaraqattandy.
QR Tótenshe jaǵdaılar mınıstrliginiń baspasóz qyzmetinen málim etkendeı, 28 qazan kúni keshqurym, Shyǵys Qazaqstan oblysy, Jarma aýdany, «Óskemen-Semeı» kúrejolynyń 114-shi shaqyrymynda 21 jastaǵy azamattardyń basqarýyndaǵy «Toıota Kamrı» jáne «Toıota Prevııa» mashınalary men rólinde 46 jastaǵy azamat bolǵan «Honda» kóligi soqtyǵysty. Artynsha «Toıota Kamrı» kóligi qyzyl órtke orandy.
Jol-kólik apaty saldarynan mashınalarda bolǵan 29 jáne 50 jastaǵy eki jolaýshy oqıǵa ornynda kóz jumdy. Taǵy 6 adam, sonyń ishinde 11 jasar bala túrli jaraqattarmen aýrýhanaǵa jetkizildi.
Tótenshe jaǵdaıdy joıýǵa QR TJM Shyǵys Qazaqstan oblysy boıynsha TJD jeke quramynyń 3 adamy men 1 tehnıkasy; QR TJM «Shyǵys óńirlik aeromobıldi qutqarý jasaǵy» MM-niń 4 adamy men 1 tehnıkasy; QR TJM «Apattyq medıtsına ortalyǵy» MM-niń 3 adamy men 1 tehnıkasy jumyldyryldy.
