Óskemen saıajaılaryn manıak torýyldap júr – feık
ÓSKEMEN. KAZINFORM – Óskemen qalasyndaǵy saıajaılardy manıak torýyldap júrgendigi jaıly jalǵan aqparat tarap jatyr.
Áleýmettik jelilerde qala saıajaılaryn manıak torýyldap júrgendigi jaıly aqparat tarap ketti. Onda «Sońǵy kúnderi birneshe adamnyń denesi tabyldy. Olardyń barlyǵy – áıelder» dep jazylǵan.
Mundaı aqparattyń tarap ketýine Óskemendegi saıajaılardyń biriniń shetinen 45-50 jas aralyǵyndaǵy belgisiz áıeldiń máıiti tabylǵandyǵy sebep bolyp otyr.
«Taratylyp jatqan aqparat shyndyqqa janaspaıdy. Halyqqa buqaralyq aqparat quraldaryn nemese aqparattyq-kommýnıkatsııalyq jelilerdi paıdalana otyryp, kórineý jalǵan aqparat taratqany úshin jaýapkershilik qarastyrylǵandyǵyn eskertemiz. Tek resmı aqparat kózderine senińizder», - dep habarlady ShQO Polıtsııa departamentinen.
