Óskemen saıabaǵynyń 300 sharshy metr aýmaǵy janyp ketti
ÓSKEMEN. QazAqparat – Óskemen qalasyndaǵy saıabaqta terek mamyǵy órtendi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, búgin Sol jaǵalaý saıabaǵynyń aýmaǵynda shóp tutanǵan. Oqıǵa ornyna órt sóndirýshiler shuǵyl jetti.
«Tilsiz jaýdy aýyzdyqtaýǵa jeke quramnan 22 adam men 4 tehnıka jumyldyryldy. Órttiń jalpy aýdany saıabaq aýmaǵynda 300 sharshy metrge jáne odan tys 2,2 gektarǵa jetken. Ottyń shyǵý sebebi – terek mamyǵynyń janýy», - dep habarlady vedomstvo ókilderi.
Osy rette, departament mamandary óńir jurtshylyǵyna órttiń shyǵýyna jol bermeý maqsatynda qaýipsizdik erejelerin qatań saqtaý qajettigin eskertedi. Órt bolǵan jaǵdaıda dereý «101» nómirine qońyraý shalý qajet.
Esterińizge sala ketsek, osyǵan deıin Shyǵys Qazaqstanda jyl basynan beri ormannan 41 márte órt shyqqanyn habarlaǵan bolatynbyz.
