Óskemen saýda ortalyǵynda sholaq myltyǵy bar er adam ustaldy
ÓSKEMEN. QazAqparat - Qara ortalyǵynda óńir polıtsııasy kóliginde 32 kalıbrli tegis uńǵyly sholaq myltyq alyp júrgen jas jigitti ustady, dep habarlaıdy «QazAqparat» HAA tilshisi oblystyq ІІD aqparatyna silteme jasap.
«Polıtsııaǵa túsken aqparat boıynsha tekseris júrgizdik, - dedi ShQO ІІD baspasóz qyzmetiniń jetekshisi Baqytjan Torǵaev. - Ózderińiz bilesizder, qazir «Qarý-2017» jedel-aldyn alý sharasy júrýde. 20 jastaǵy jigit pen onyń avtokóligin tekserý barysynda 32 kalıbrli tegis uńǵyly sholaq myltyq tabyldy jáne tárkilendi. Sondaı-aq, onyń janynan taǵy bir sýyq qarý - pyshaq tabyldy».
Sholaq myltyǵy bar avtokólik sport saraıy janyndaǵy «Danıel» saýda úıiniń avtoturaǵyna qoıylǵan. Saraptamalar taǵaıyndalyp, «Zańsyz qarý saqtaý» baby boıynsha qylmystyq tergeý jumystary bastaldy.
