Óskemen - Samar tasjolynda kólik aýdarylyp, bir jolaýshy qaıtys boldy
ASTANA. QazAqparat - Ótken aptanyń senbisinde Óskemen - Samar baǵytyndaǵy tasjoldyń boıynda VAZ-2115 avtokóligi aýdarylyp, onyń ishinde otyrǵan bir jolaýshy qaıtys boldy, dep habarlaıdy «QazAqparat» HAA tilshisi.
Oqıǵa 22 shildede túski saǵat 13-00-der shamasynda tirkelgen.
ShQO ІІD baspasóz qyzmetiniń habarlaýynsha, jol-kólik oqıǵasy Ulan aýdanynyń Besterek aýylynyń mańynda bolǵan.
«Qala jaqtan kele jatqan VAZ-2115 avtokóligi Besterek aýylyna jete bergende alda kele jatqan jeńil avtokólikten ozbaq bolǵan. Manevr jasaý kezinde júrgizýshi rólge ıe bola almaı, kólik aýdarylyp qalǵan. Aýdarylǵan kólik jol jıegine túsip ketken. Osynyń saldarynan VAZ-2115 avtokóliginde otyrǵan 1965 jylǵy jolaýshy alǵan jaraqatynan oqıǵa ornynda qaza boldy. Kóliktegi júrgizýshi men taǵy bir jolaýshy aıtarlyqtaı jaraqat alǵan joq», - dep habarlaıdy ShQO ІІD baspasóz qyzmetinde.
Qazirgi ýaqytta QR QK 345-baby boıynsha qylmystyq is qozǵalyp, polıtsııa qyzmetkerleri saraptama taǵaıyndady.
