«Óskemen-Samar» baǵytyndaǵy jolda kóshkin qaýpi joıyldy
ÓSKEMEN. QazAqparat - «Óskemen-Samar» baǵytyndaǵy joldyń bes bóliginde kóshkinge qarsy jarylystar júrgizildi. «Qazseldenqorǵaý» mekemesiniń mamandary atalmysh baǵytta kóshkin qaýpi bıylǵa tolyq joıylǵanyn aıtady, dep habarlaıdy QazAqparat tilshisi.
Jarylystar «Óskemen-Samar» jolynyń 95-102 shaqyrymdarynda júrgizilgen. Nátıjesinde 16000 tekshe metr qardyń kóbesi sógilip, joldan shyǵarylǵan.
«Kóktem shyqqaly 17 ret jasandy jarylys arqyly kóshkinniń alydn alý sharalaryn uıymdastyrdyq. Onyń kóbi Zyrıan aýdanynyń aýmaǵynda ótti. Al búgin «Óskemen-Samar» jolynyń boıyndaǵy kóshkin qaýpi bar oryndardyń barlyǵy tazartyldy. Kelesi aptada Katonqaraǵaı aýdanynda jarylystar júrgizemiz. Onyń kóbi Rahman qaınaryna aparatyn joldyń boıynda ótedi» - deıdi «Qazseldenqorǵaý» mekemesi oblystyq fılıalynyń dırektory Omar Dúzgenbaev.
Degenmen, óńirde kóshkin qaýpi áli saqtalady.
