Óskemen: Ruqsat etilmegen jerden ótpek bolǵan adamdy kólik qaqty
ÓSKEMEN. QazAqparat – Óskemen qalasynda joldy ruqsat etilmegen jerden kesip ótpek bolǵan azamatty kólik qaǵyp ketti, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, jol-kólik oqıǵasy Shaıahmetov kóshesinde bolǵan.
«Audi» markaly avtokólikti tizgindep kele jatqan júrgizýshi 45 jastaǵy er adamdy qaǵyp ketti. Belgili bolǵandaı, jaıaý júrginshi joldy ruqsat etilmegen jerden kesip ótpek bolǵan. Osynyń saldarynan ózi jaraqat alyp, kólik ıesine materıaldyq zalal keltirildi», - dep habarlady vedomstvo ókilderi.
Atalǵan fakti boıynsha jaıaý júrginshige QR ÁQBtK-niń 615-babyna (jaıaý júrginshilerdiń jol qozǵalysy erejeleriniń talaptaryn oryndamaǵany úshin, materıaldyq zalal keltirgeni úshin) sáıkes ákimshilik hattama toltyryldy.
