«Óskemen-Rıdder» tasjolyndaǵy jol apatynan 2 adam mert boldy

ÓSKEMEN. QazAqparat – Shyǵys Qazaqstan oblysyndaǵy «Óskemen-Rıdder» tasjolynda eki kólik soqtyǵysyp, 2 adam mert boldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, jol-kólik oqıǵasy búgin saǵat 14:00 shamasynda Glýbokoe aýdany Opytnoe pole kentiniń mańynda bolǵan.

- «Óskemen-Rıdder» tasjolynyń 3-shi shaqyrymynda «Nissan Note» jáne «Toyota Land Cruiser» avtokólikteri soqtyǵysty. Sonyń saldarynan «Toyota Land Cruiser» kóliginiń júrgizýshisi men jolaýshysy kóz jumdy. Osy kólikte otyrǵan taǵy bir jolaýshy túrli jaraqattarmen medıtsınalyq mekemege jatqyzyldy, - delingen aqparatta.

Qazirgi ýaqytta atalǵan fakti boıynsha QR QK-niń 345-baby 4-bóligine (Abaısyzda eki nemese odan da kóp adam ólimine ákep soqqan kólik quraldaryn basqaratyn adamdardyń jol qozǵalysy erejelerin buzýy) sáıkes sotqa deıingi tergeý bastaldy.

Birqatar sot-medıtsınalyq saraptama taǵaıyndalǵan.