Óskemen-Rıdder tasjolynda eki kólik pen Kamaz soqtyǵysyp, 1 adam kóz jumdy

ÓSKEMEN. KAZINFORM — Shyǵys Qazaqstan oblysyndaǵy Óskemen-Rıdder tasjolynda jol-kólik oqıǵasynan 1 adam mert boldy.

ShQO Polıtsııa departamenti baspasóz qyzmetiniń málimetine súıensek, jol apaty tasjoldyń 4-shaqyrymynda bolǵan.

«VAZ 2109», «Honda Inspire» jeńil kólikteri men «Kamaz» soqtyǵysty. Sonyń saldarynan «VAZ 2109» avtokóliginiń júrgizýshisi sol jerde kóz jumdy.

— Qazirgi ýaqytta sotqa deıingi tergeý amaldary júrgizilip jatyr. Oqıǵanyń barlyq mán-jaıy anyqtalyp jatyr. Birqatar saraptama taǵaıyndalǵan. Sonyń qorytyndysyna qaraı protsessýaldyq sheshim qabyldanady, — dep habarlady vedomstvo ókilderi.

Eske salsaq, osyǵan deıin Almatyda júk kóligi súıretip kele jatqan avtobýs jaıaý júrginshini qaǵyp ketkeni jaıly jazǵanbyz.