Óskemen irgesindegi saıajaıdan áıeldiń máıiti tabyldy

ÓSKEMEN. KAZINFORM – Óskemen qalasynyń irgesindegi saıajaıdan áıel adamnyń máıiti tabyldy.

ShQO Polıtsııa departamenti baspasóz qyzmetiniń málimetine súıensek, saıajaılardyń biriniń shetinen 45-50 jas aralyǵyndaǵy belgisiz áıeldiń máıiti tabyldy. Qazirgi ýaqytta onyń kim ekendigi anyqtalyp jatyr.

«Áıel adamnyń denesinen kózge kórinetin jaraqattar baıqalǵan. QR Qylmystyq kodeksiniń 99-babyna (Adam óltirý) sáıkes qylmystyq is qozǵaldy. Tıisti saraptamalar taǵaıyndalǵan», - dep habarlady vedomstvo ókilderi.

Marqumdy óltirgen kúdiktiniń kim ekendigi ázirge belgisiz.

Eske salsaq, osyǵan deıin eldiń shyǵysynan jylqy urlap, ońtústikke satýmen aınalysqan qarýly top ustalǵany habarlanǵan.