«Óskemen – Rahman qaınary» avtojolynda kólik qozǵalysyna shekteý qoıyldy

ASTANA. KAZINFORM – QazAvtoJol kólik qozǵalysyna shekteý qoıylǵany jaıly aqparat jarııalady.

– 3 qazan saǵat 01:30-da Shyǵys Qazaqstan oblysynda aýa raıynyń buzylýyna baılanysty «Óskemen – Altaı – Úlken Naryn – Katon-Qaraǵaı – Rahman qaınary» avtojolynyń 6-66 shaqyrym aralyǵyndaǵy ýchaskesinde (Ýshanov aýylynan Serebrıansk qalasyna deıin) kólikterdiń barlyq túriniń qozǵalysyna shekteý qoıylady, - delingen habarlamada.

1403 baılanys ortalyǵyna habarlasyp, táýlik boıy qosymsha aqparat alýǵa bolady.

Buǵan deıin «Úsharal — Dostyq» avtojolyndaǵy qardan qorǵaıtyn qorshaýlar qırap qalǵanyn jazǵan bolatynbyz.