Óskemen prokýratýrasy eki jylda 200-den astam kásipkerdiń quqyǵyn qorǵady
Qala prokýratýrasy uıymdastyrǵan dóńgelek ústelge jergilikti kásipkerler qatysty. Sonyń barysynda bıznes ókilderin qoldaý jáne kásipkerlik nysandarynda anyqtalatyn buzýshylyqtardyń aldyn alý jaıly sóz qozǵaldy.
«Sońǵy eki jylda prokýratýra 200-den astam kásipkerdiń quqyǵyn qorǵady. «Prokýratýra týraly» Zańǵa engizilgen ózgeristerge baılanysty prokýrorlardyń kásipker quqyqtaryn qorǵaýdaǵy ókilettikteri keńeıtilgen. Endi prokýrorlar kásipkerlerdiń memlekettik organdardyń aralasý faktileri boıynsha ótinishterin qaraýǵa, olar boıynsha tekserýler júrgizýge, qajetti aqparatty suratýǵa, zańsyz salynǵan shekteý jáne tyıym salý sharalarynyń dereý kúshin joıýǵa quqyly», - dedi Óskemen qalasy prokýratýrasynyń qoǵamdyq múddelerdi qorǵaý bólimi bastyǵynyń mindetin atqarýshy Nartaı Muratov.
Onyń aıtýynsha, ShQO Kásipkerler palatasymen birlese otyryp prokýratýra janynan kásipkerlerdiń quqyqtaryn qorǵaý jónindegi mobıldi top qurylǵan. Sol topqa 31 kásipker monıtorıngilik toptar men memlekettik organdardyń áreketine qatysty shaǵym túsirdi.