Óskemen polıtseıleri urlanǵan 150-ge jýyq telefondy tapty

ÓSKEMEN. QazAqparat – Óskemen qalasynyń polıtsııa qyzmetkerleri urlanǵan 150-ge jýyq telefondy tapty, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary 1 qyrkúıekten bastap «Ýchaske» jedel aldyn alý sharasyn júrgizip jatyr. Sonyń aıasynda urlanǵan telefondardy satý oryndary anyqtalýda.

«Ótken demalys kúnderi jedel ýákilder 76 saýda ornyn aralap, 1000-nan astam telefondy tekserdi. Jalpy shara bastalǵaly beri 144 uıaly telefon urlyǵy ashyldy. Sonymen qatar reıd barysynda polıtseıler býtık ıelerimen jáne uıaly telefon satýshylarmen QR QK-niń 196-babynda qylmystyq jolmen tabylǵan múlikti satyp alǵany nemese ótkizgeni úshin jaýapkershilik qarastyrylǵandyǵy týraly túsindirdi», - delingen aqparatta.

Esterińizge sala ketsek, osyǵan deıin Óskemende aıý atqan brakoner ustalǵandyǵyn habarlaǵan bolatynbyz.