Óskemen polıtseıleri kontrafakt alkogol saýdasynyń aldyn aldy
ÓSKEMEN. QazAqparat – Óskemen qalasynyń polıtseıleri kontrafakti alkogol ónimderiniń saýdasyna tosqaýyl qoıdy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, tártip saqshylary jedel-izdestirý sharalary barysynda qaladaǵy dúkenderdiń birinen 31 bótelke alkogoldi ishimdikti tárkiledi.
«Tekserý kezinde ónimderdiń Qazaqstan Respýblıkasy aýmaǵynda aktsızdeletin taýarlardy tańbalaý standarttary men erejelerine sáıkes tirkeý-baqylaý tańbalarymen sáıkessizdigi baıqaldy. Budan ári aktsızdik tańbalar TBT aqparatyn oqýdyń sertıfıkattalǵan júıesin paıdalana otyryp tekserildi. Nátıjesinde, Qarjy mınıstrligi QGD aktsızdik tańbalar derekqorynda bul kodtardyń joqtyǵy anyqtalǵan», - delingen aqparatta.
Atalǵan fakti boıynsha kásipkerge qatysty QR ÁQBtK-niń 283-baby 2-bóligimen ákimshilik hattama toltyryldy.
Endi ol alkogol ónimin ótkizýge lıtsenzııadan aıyrylyp, 150 AEK mólsherinde aıyppul tóleýge mindettelýi múmkin.
