Óskemen polıtseıleri asa iri kólemdegi sıntetıkalyq esirtkini tárkiledi

ÓSKEMEN. QazAqparat – ShQO Polıtsııa departamenti Esirtki qylmysyna qarsy is-qımyl jónindegi basqarma qyzmetkerleri jedel aldyn alý sharalaryn ótkizý barysynda asa iri kólemdegi esirtki, psıhotroptyq zattardy saqtaý deregin anyqtady, dep habarlaıdy «QazAqparat» HAA óńirlik polıtsııa departamentiniń baspasóz qyzmetine silteme jasap.

Sanktsııalanǵan jeke tintý ótkizý barysynda Óskemenniń 28 jastaǵy azamatynan salmaǵy 6,78 gramm 9 polımerlik paketter tárkilendi. Іshterinde qara tústi termoqaptamaǵa oralǵan untaq tárizdes zat jáne ártúrli tústi túıirshikter bolǵan.

Sondaı-aq, kúdikti turyp jatqan páterdi tintý barysynda qara tústi ızolentaǵa oralǵan tuqyrtpalar jáne uıaly telefonnyń qoraby tabylǵan. Onyń ishinen jalpy salmaǵy 411 gramdy quraıtyn, qara tústi termoqaptamaǵa oralǵan ártúrli tústi untaq jáne túıirshik tárizdi zattar tabylyp, tárkilendi.

Júrgzilgen saraptamaǵa sáıkes, tárkilengen zat «Jyldamdyq» ataýymen tanymal «a-pırrolıdınovalerofenon» atty psıhotroptyq zat bolyp shyqty.

Atalmysh derek boıynsha QR Qylmystyq kodeksiniń 296 baby 4 bóligine sáıkes sotqa deıingi tergeý júrgizilip jatyr.