Óskemen polıtseıleri 22 jyl boıy jasyrynyp júrgen qylmyskerdi Pavlodardan ustady
ÓSKEMEN. QazAqparat – Óskemendik polıtsııa qyzmetkerleri jıyrma jyldan astam ýaqyt jasyrynyp júrgen qylmyskerdi qolǵa túsirdi, dep habarlaıdy QazAqparat tilshisi.
Qalalyq polıtsııa basqarmasy baspasóz qyzmetiniń málimetine súıensek, 1998 jyldyń naýryzynda 1970 jylǵy Pavlodar qalasynyń týmasy satý maqsatynda belgisiz bireýlerden asa iri kólemde marıhýana alyp, Óskemendegi úıinde saqtaǵan.
Onyń páterin tintý kezinde tártip saqshylary esirtkini jáne zańsyz saýdadan túsken aqshany tapty. Alaıda kúdiktiniń ózi qashyp úlgergen. Sóıtip polıtsııa basqarmasy osy fakti boıynsha qylmystyq is qozǵap, esirtki satýshyǵa izdeý jarııalandy.
Polıtsııanyń túgel derlik jeke quramdary esirtki satýshynynyń qaıda ekenin anyqtaýǵa jumyldyryldy. Sondaı-aq respýblıkadanyń ózge oblystaryna da baǵdar jiberilgen. Jedel top qurylyp, kúdikti baılanysqa shyǵýy yqtımal adamdar tekserildi. Pavlodar oblysy men Reseı Federatsııasynyń Altaı aımaǵynda da izdestirý sharalary júrgizildi. Dese de buǵan qaramastan esirti satýshyny qolǵa túsirý múmkin bolmaǵan.
«Qashqyn tyǵylyp júrýi múmkin degen jerdi 2020 jyldyń qyrkúıeginde anyqtadyq. Sol jaqqa birden basqarmanyń jedel toby attandy. Belgili bolǵandaı, er adam keıinnen Pavlodar qalasyna kelip, jaldamaly páterde turǵan. Polıtseıler ony quryqtap, ýaqytsha ustaý ızolıatoryna qamaýǵa aldy», - deıdi Óskemen qalalyq polıtsııa basqarmasy bastyǵynyń orynbasary Denıs Erimbesov.
