Óskemen men Zaısan qalalary arasyndaǵy áýe reısi qaıta iske qosylady
ÓSKEMEN. KAZINFORM – Shyǵys Qazaqstan oblysyndaǵy Óskemen men Zaısan qalalary arasyndaǵy áýe qatynasy memlekettik sýbsıdııalaý konkýrstary aıaqtalǵannan keıin qaıta jandanady.
Áleýmettik mańyzy bar baǵytqa 2026 jylǵa arnalǵan bıýdjetten qarjy qaıta bólindi. Sonyń nátıjesinde reıs áýe qatynasy kestesine engizildi.
Bılet quny baryp-qaıtýǵa 34 myń teńgeni quraıdy. Atalǵan tarıfke salmaǵy 20 kelige deıingi júk tasymaly kiredi.
Shyǵys Qazaqstan oblysy jolaýshy kóligi jáne avtomobıl joldary basqarmasynyń málimetinshe, áýe tasymaldaýshysyn anyqtaý boıynsha konkýrs rásimderi tolyq aıaqtalǵan.
– Bıyl Óskemen-Zaısan baǵytyna sýbsıdııa bólý qarastyrylǵan. Konkýrstar ótkizilip, tasymaldaýshy anyqtaldy. Bul reısterdi qaıta jandandyrýǵa jáne áýe bıletteriniń baǵasyn qoljetimdi qylýǵa múmkindik berip otyr, - dep habarlady basqarmadan.
Eske salsaq, osyǵan deıin Almaty áýejaıyna jańa halyqaralyq áýe kompanııalary kele bastaǵany habarlanǵan.
