Óskemen men Semeıden Alakólge qatynaıtyn alǵashqy poıyz jolǵa shyqty
ÓSKEMEN. QazAqparat - «Óskemen-Jalańashkól», «Semeı-Jalańashkól» baǵytynda temirjol baılanysy ashyldy, dep habarlaıdy QazAqparat tilshisi.
Alakólde jazǵy týrızm maýsymynyń ashylýyna baılanysty «Jalańashkól» stansasyna deıin Óskemen men Semeıden jolaýshylar tasymaldaıtyn 5 vagondyq poıyz jolǵa shyqty. Bılet baǵasy - bir orynǵa 2800 teńge. Alǵashqy reıs búgin saǵat 16.36-da jolǵa shyqty.
«Atalmysh reıster bir jolda 260 adamdy Alakólge jetkize alady. Qyrkúıek aıyna deıin 4 kún saıyn úzdiksiz qatynamaq. Ol úshin oblys bıýdjetinen 140 mln teńge sýbsıdııa bólindi. Semeıden shyǵatyn alǵashqy poıyzǵa bıletterdiń 80 paıyzy satyldy. Al Óskemennen shyqqan poıyz ázirge jartylaı bos bara jatyr. Degenmen, bolashaqta bos oryn qalmaıdy dep otyrmyz. Týrıster «Jalańashkól» stansasynan Alakóldiń ózine jetýi úshin taksı men marshrýttyq avtobýstar jaldaıdy. Bar bolǵany bir-aq saǵattyq jol. Búgin shyqqan poıyzdar tańerteńgi saǵat 8.30-da jetedi» - dedi oblystyq týrızm jáne syrtqy baılanystar basqarmasynyń basshysy Jasulan Sársebaev.
«Óskemennen Alakólge poıyz júretinin estip, Pavlodardan osyndaǵy týystaryma búgin kelgen bolatynmyn. Buryn Alakólge óz kóligimizben 10 saǵattan astam ýaqyt júrip jetetin edik. Joldyń nasharlyǵy sapardy qıyndatyp jiberedi. Al poıyz balalardy alyp júrýge óte qolaıly» - deıdi Uljan Álimbaeva esimdi jolaýshy.
