Óskemen men Semeıdegi HKO-larda bıometrııalyq júıe iske qosyldy
ÓSKEMEN. QazAqparat – Óskemen men Semeı qalalaryndaǵy mamandandyrylǵan HQO-larda júrgizýshi kýáligin alý úshin teorııalyq emtıhan tapsyrý kezinde bıometrııalyq júıe iske qosyldy, dep habarlaıdy QazAqparat tilshisi.
«Azamattarǵa arnalǵan úkimet» memlekettik korporatsııasy ShQO boıynsha fılıaly baspasóz qyzmetiniń málimetinshe, Óskemende men Semeıdegi mamandandyrylǵan HQO-larda jańa júıe engizildi.
«Endi júrgizýshi kýáligin alý úshin teorııalyq emtıhan tapsyrýǵa kelgen azamattar bıometrııalyq júıeni paıdalanatyn bolady. ıAǵnı, osy arqyly adamnyń bet-álpeti tanylady. Bul qandaı da bir alaıaqtyq áreketterdiń aldyn alýǵa jáne sybaılas jemqorlyq táýekelderin tómendetýge múmkindik beredi», - dep túsindirdi fılıal dırektorynyń orynbasary Rýslan Kıbke.
Bıometrııa - bul adamnyń betin qujattaǵy fotosýretimen salystyratyn júıe. Teorııalyq emtıhan bastalǵanǵa deıin úmitker jeke basyn sáıkestendirýden ótedi, onda onyń fotosýreti jeke kýáliktegi fotosýretimen salystyrylady.
«Emtıhan tapsyrý kezeńinde júıe taǵy birneshe ret tekserý úshin avtomatty sáıkestendirýdi júrgizedi. Osylaısha, emtıhan tapsyrý protsesi bastan-aıaq baqylaýǵa alynady», - delingen málimette.
Aıta keteıik, júrgizýshi kýáligin alý úshin úmitker eki emtıhan tapsyrýy kerek: teorııalyq jáne praktıkalyq. Teorııalyq 40 suraqtan turady. Ony tapsyrý úshin kem degende 32 jaýap durys bolýy qajet.
Praktıkalyq emtıhan avtodromda 12 tapsyrmadan turady. Árkimniń emtıhandy 3 retke deıin tapsyrý múmkindigi bar.
Aıta keteıik, jyl basynan beri oblys boıynsha 932 adam alǵash ret júrgizýshi kýáligin aldy.
