Óskemen men Semeıdegi eki joba EQDB qarjysymen júzege asyrylady
ASTANA. QazAqparat - Eýropanyń qaıta qurý jáne damý banki (EQDB) Óskemen men Semeıdegi turmystyq qatty qaldyqtardy basqarý ınfraqurylymyn jańartýdy qoldaýǵa jalpy quny 22,1 mlrd teńge nesıe bóldi, dep habarlaıdy QazAqparat tilshisi.
Búgin Astanada EQDB prezıdenti ser Sýma Chakrabartı jáne Shyǵys Qazaqstan oblysynyń ákimi Danıal Ahmetov EJDB tarapynan bólinetin 9,6 mlrd teńgeni qosa eseptegende, jalpy somasy 22,1 mlrd teńge bolatyn oblystyń eń iri eki qalalary - Óskemen men Semeıdegi turmystyq qaldyqtardy basqarý ınfraqurylymy júıesin jańartý jobasyn qoldaý boıynsha aldyn-ala kelisimge qol qoıdy.
Atalǵan eki kelisimniń alǵashqysy ShQO-daǵy turmystyq qaldyqtardy basqarý ınfraqurylymyna baǵyttalsa, ekinshisi, oblystaǵy jaryqtandyrý júıesin jańartýǵa arnalady. Jańa joba ShQO-nyń 6 qalasy men 11 aýdan ortalyǵyn qamtıdy.
«Biz búgin EQDB-men Óskemen men Semeıdiń ınfraqurylymyn damytýǵa baǵyttalǵan ekijaqty mańyzdy qujattarǵa qol qoıdyq. Kelisim negizinde jýyrda oblystyń barlyq qalalary men aýdan ortalyqtary tolyq túrde jańa júıemen jaryqtandyrylatyn bolady, naqty aıtqanda 60 myń jaryqsham ornatylady. Jaryqtandyrý kelisiminiń jalpy somasy 9 mlrd teńge, onyń 5 mlrd teńgesi Semeı men Óskemendi jaryqtandyrýǵa qalǵany aýdan ortalyqtaryna jumsalady. Atalǵan somanyń 90%-yn EQDB ótese, 10%-y jergilikti bıýdjetten bólinedi», -dedi Shyǵys Qazaqstan oblysynyń ákimi Danıal Ahmetov.
Kezdesý sońynda EQDB prezıdenti ser Sýma Chakrabartı ShQO ákimi Danıal Ahmetovke birlesken jobany júzege asyrýda alǵysyn bildirdi.
Dáýlet Іztileý
