Óskemen men Semeıdegi aıaldamalarda polıtseıler kezekshilik etýde

ÓSKEMEN. QazAqparat – Óskemen men Semeı qalalaryndaǵy qoǵamdyq kólik aıaldamalarynda polıtsııa qyzmetkerleri kezekshilik etýde, dep habarlaıdy QazAqparat tilshisi.

Bul jaıly Shyǵys Qazaqstan oblysynyń ákimi Danıal Ahmetov Instagram jelisindegi jeke paraqshasynda jazdy.

«Óskemen men Semeıdegi avtobýs aıaldamalarynda polıtsııa qyzmetkerleri jumys isteýde. Bir apta ishinde olar azamattardan sypaıy túrde maska taǵýdy suraıdy. Qala, aýdan ákimderimen, bas dárigerlermen, sanıtarlyq-epıdemıologııalyq qyzmet jáne polıtsııa basshylarymen ótkizilgen jıyn barysynda karantın talaptarynyń saqtalýyn baqylaýdy kúsheıtýdi tapsyrdym», - deıdi aımaq basshysy.

Onyń aıtýynsha, sońǵy eki aptada Aıagóz aýdanynda koronavırýs ınfektsııasyn juqtyrý kórsetkishi ósken.

«Taldaý kórsetkendeı, 14 kún ishinde tirkelgen 43 jaǵdaıdyń 39-ynda vırýs syrttan ákelingen. Qaýipti dert «KAZ Minerals Aqtoǵaı» JShS-ne jumysqa kelgen basqa óńir turǵyndarynan anyqtaldy. Osyǵan baılanysty kásiporyn basshylyǵyna jaǵdaı turaqtalǵanǵa deıin birqatar oblystardan adamdardy ákelýdi toqtatý qajettiligi týraly hat joldanbaq», - dedi Danıal Ahmetov.