Óskemen men Semeıde jasy 70-ten asqan qarttardyń úıine azyq-túlik jetkiziledi

ÓSKEMEN. QazAqparat – ShQO-da oblysynda 70 jastan asqan zeınetkerler men І, ІІ toptaǵy múmkindigi shekteýli jandarǵa azyq-túlik pen dári-dármek úıge deıin jetkiziledi, dep habarlaıdy QazAqparat.

Shyǵys Qazaqstanda áleýmettik mańyzy bar azyq-túlik ónimderiniń 19 túri, gıgıena zattarynyń 10 túri kiretin 4 toptama jasalǵan. Ol paketter 70 jastan asqan zeınetkerler men І, ІІ toptaǵy múmkindigi shekteýli jandarǵa aptasyna bir ret tegin jetkiziledi.

Bul týraly aımaqtyq kommýnıkatsııalar qyzmetinde ótken brıfıng barysynda oblys ákiminiń orynbasary Shákárim Buqtuǵutov málim etti.

«Elimizde jarııalanǵan tótenshe jaǵdaıǵa baılanysty Óskemen men Semeı qalalarynda «Dúken.kz» júıesi jumys isteıdi. Turǵyndar osy arqyly azyq-túlik ónimderine tapsyrys bere alady. Búginde atalmysh qalalarda bul jobany júzege asyrý jumysy júrgizilýde», - deıdi ol.

Shákárim Buqtuǵutov áleýmettik mańyzy bar azyq-túlik ónimderiniń baǵasy baqylaýda ekenin atap ótti.