Óskemen men Semeıde qoǵamdyq kólikter 70 paıyzǵa qysqardy
ÓSKEMEN. QazAqparat – Óskemen men Semeı qalalarynda qoǵamdyq kólik 70%-ǵa qysqardy, dep habarlaıdy QazAqparat tilshisi.
ShQO Aqparat ortalyǵynyń habarlaýynsha, óńir boıynsha koronavırýs ınfektsııasynyń taralýyna tosqaýyl qoıý maqsatynda qoǵamdyq kólikterdiń qozǵalysy shektelgen. Sondaı-aq qazirde barlyq baǵyttardaǵy avtobýs, temirjol jáne áýe tasymaldary toqtatyldy.
«Óskemen men Semeıdegi qoǵamdyq kólikter 70% -ǵa qysqartylǵan. Óskemende jelide 88 avtobýs, 22 shaǵynavtobýs jáne 9 tramvaı jumys isteıdi. Al Semeı qalasy boıynsha jalpy sany 69 qoǵamdyq kólik qatynaýda.Sanıtarlyq-epıdemıologııalyq sharalar qabyldanyp, barlyq qoǵamdyq kólikter kúnine úsh ret dezınfektsııalanýda», - delingen málimette.
Esterińizge sala ketsek, Óskemen men Semeıde 4 sáýirden bastap demalys jáne mereke kúnderinde jeke kólik qozǵalysyna tyıym salynǵan bolatyn.
