Óskemen men Semeıde demalys kúnderi jeke kólik qozǵalysyna tyıym salyndy
ÓSKEMEN. QazAqparat – Óskemen men Semeı qalalarynda 4 sáýirden bastap demalys jáne mereke kúnderinde jeke kólik qozǵalysyna tyıym salynbaq, dep habarlaıdy QazAqparat.
Engizilgen qosymsha shekteýlerge sáıkes, eki shaharda kúntizbeniń jup kúnderi kólik nómiri nóldi qosqanda tek jup sanyna aıaqtalǵandar, al taq kúnderi kólik nómiri taq sanǵa aıaqtalǵandar ǵana júredi. Sondaı-aq 6 sáýirden bastap bir aptaǵa qoǵamdyq kólik qozǵalysy qysqartylady. Bul jaıly ShQO Polıtsııa departamenti bastyǵynyń orynbasary Eldos Zakımov málim etti.
«4 sáýirden keıin demalys jáne mereke kúnderi jeke kólik quraldarynyń qozǵalysyna tyıym salynady. Bul koronavırýstyń taralýyna tosqaýyl qoıý maqsatynda atqarylyp jatqan shara. Turǵyndardan barlyq shekteýlerdi qatań saqtaýǵa shaqyramyz», - deıdi ol.
Esterińizge sala ketsek, osyǵan deıin Óskemen men Semeı qalalarynda 2020 jylǵy 2 sáýirde saǵat 00.00-den bastap, qosymsha shekteýler engizilgenin habarlaǵan bolatynbyz.
