Óskemen men Semeı turǵyndary úıden shyǵý úshin PIK-ten ruqsat qaǵazyn alady
ÓSKEMEN. QazAqparat – 6 sáýirden bastap Óskemen men Semeı qalasynyń turǵyndary úıden shyǵý úshin ruqsat qaǵazyn alýy tıis, dep habarlaıdy QazAqparat.
Ruqsat qaǵazynyń 2 túri bar. Birinshi túri – qalalardyń tynys-tirshiligin qamtamasyz etetin uıym qyzmetkerleri, jumys isteıtin azamattarǵa arnalǵan. Ekinshi túri – árbir otbasyna beriledi. Ol arqyly aptasyna 3 ret saýda oryndaryna, dárihanalarǵa, bankter men medıtsına mekemelerine barýǵa bolady. Ruqsat qaǵazynyń jasyl túsi – jup kúni, aq túsi – aıdyń tek taq kúnderinde shyǵýǵa múmkindik beredi.
«Ruqsat qaǵazy ár páterge bireýden beriledi. Alaıda ár adam mindetti túrde ózimen birge jeke kýáligin de alyp júrýi kerek. Ruqsat qaǵazynyń jaramdylyq merzimi – 1aı. Kópqabatty úıde turatyndar atalmysh qaǵazdy alý úshin 1 sáýirden bastap PIK-ke jáne kondomınıýmǵa júginýleri tıis. Al jer úı turǵyndary jergilikti basqarý komıtetterine barýy qajet», - dedi Óskemen qalasynyń ákimi Jaqsylyq Omar Óńirlik kommýnıkatsııalar qyzmetinde ótken onlaın-brıfıng barysynda.
Esterińizge sala ketsek, osyǵan deıin 2 sáýirden bastap Óskemen men Semeıde qosymsha shekteýler engiziletindigi habarlanǵan.
