Óskemen men Rıdder qalalarynda aýa lastanady

ÓSKEMEN. QazAqparat – Óskemen men Rıdder qalalarynda aldaǵy kúnderi aýa lastanady, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, oblystyń eki qalasynda jelsiz aýa raıyna baılanysty qolaısyz meteorologııalyq jaǵdaı bolady.

«21 naýryz kúni saǵat 21:00-den 22 naýryz kúni saǵat 21:00-ge deıin Óskemen men Rıdderde ekinshi dárejeli qolaısyz meteojaǵdaılar kútiledi», - delingen aqparatta.

Aıta keteıik, jel jyldamdyǵy sekýndyna 0,5 metrden aspaǵan kezde zaýyttardan shyǵatyn zııandy zattar aýada saqtalady. Sol kezde qolaısyz meteorologııalyq jaǵdaı jarııalanady. Osy kezde kásiporyndar zııandy shyǵaryndylardy azaıtýǵa mindetti.

Eger birinshi dárejeli qolaısyz meteorologııalyq jaǵdaı jarııalansa – 15-20 paıyzǵa, ekinshide – 20-40 paıyzǵa, úshinshide – 40-60 paıyzǵa azaıtylady.