Óskemen men Reseı arasyndaǵy joldy jóndeý jumystary bastaldy
Bul týraly Shyǵys Qazaqstan oblysynyń ákimi Ermek Kósherbaevtyń Shemonaıha aýdanyna jasaǵan jumys sapary barysynda aıtyldy.
Áýeli ákim Pervomaıskıı kentindegi maı zaýytynda jańadan iske qosylǵan ekstraktsııa tsehynyń jumysymen tanysty. Kásiporyn ónimi elimizdiń ishki naryǵy men Ózbekstanǵa eksporttalady. Qytaıda da bul ónimge qyzyǵýshylyq óte joǵary.
«ShQO óndirýshileri aýyl sharýashylyǵy basqarmasymen birlesip, QHR-ǵa maı jetkizý jobasyn ázirleıtin bolady. Eksportqa shyǵarý múmkindikterin barynsha keńeıtý kerek», - deıdi Ermek Kósherbaev.
Qazirgi ýaqytta «Óskemen-Shemonaıha-RF shekarasy» respýblıkalyq tasjolynda jóndeý jumystary qolǵa alynǵan.
«Bul joldyń jaǵdaıy shynymen máz emes, «Qazavtojol» mekemesiniń mamandary jóndeý jumystaryn bastady. Sondaı-aq Úbe ózeni arqyly kópir salý máselesi ótkir kúıinde qalyp otyr. Bul nysannyń tranzıttik aımaq úshin mańyzy joǵary. Ázirge ol talqylaý satysynda. Mamandarmen birge qoldanystaǵy ótkeldi kúrdeli jóndeý týraly sheshim qabyldandy», - deıdi aımaq basshysy.