Óskemen men Katonqaraǵaı arasynda týrıster úshin tikushaq qatynaýy múmkin
Katonqaraǵaı aýdany týrızm salasyn damytý turǵysynan alǵanda Shyǵys Qazaqstan oblysyndaǵy eń tartymdy jer. Aımaq basshysy Ermek Kósherbaev aýdanǵa áýe tasymalyn uıymdastyrý jaıly sóz etti.
«Bizde Óskemen men oblys aýdandary arasynda qatynaıtyn áýe reısteri bar. Katonqaraǵaı aýdanynda jańa áýejaı salý egjeı-tegjeıli zertteýdi qajet etetin kúrdeli másele. Aýdanda keńes kezeńinen qalǵan eski áýejaı tur. Zaısan aýdanynyń tájirıbesin paıdalana otyryp, Óskemennen Katonqaraǵaıǵa tikeleı áýe reısin ashý jaǵyn qarastyrýymyz qajet. Múmkin tikushaq tasymalyn uıymdastyrýdan bastaımyz», - deıdi ákim.
Onyń aıtýynsha, áýe reısteriniń ashylýy Katonqaraǵaıǵa baratyn týrıster sanyn birshama arttyra túspek.
Eske salsaq, osyǵan deıin Katonqaraǵaı ulttyq parkinde týrızm qalaı damyp kele jatqany jaıly kólemdi maqala jazǵan edik.