Óskemen men Fedorovka sý qoımalarynan eshqandaı qaýip joq - Islam Ábish
«Óskemen men Fedorovka sý qoımalary eshqandaı qaýip tóndirmeıdi. Jalpy, qazirgi ýaqytta olardyń sýyn aǵyzyp jiberýge esh múmkinshilik joq. Óıtkeni, tómengi jaqta muz qatyp qalǵan. Seń júre bastaǵan kezde ǵana olardyń sýyn ońtaıly deńgeıge deıin aǵyzyp jiberemiz. Jalpy, qar kóp bolǵanymen jaz aılarynda sýdyń qanshalyqty bolatyndyǵyn bilmeımiz. Qazir kúndiz kún jyly bolyp erip, túnde qatatyn bolsa onda sýdyń bári jerdiń astyna sińip ketedi, sý jınalmaı qalady»,- dedi Islam Ábish.
Sonymen qatar komıtet basshysy Shardara, Kóksaraı sý qoımalary tolyp tur dep dabyl kóberip jatqandardyń bar ekendigin basa aıtty.
«Jaraıdy, erteń sý alyp ketýi qaýpi bar dep olardy jartylaı ustap turaıyq. Al eger sý jınalmaı qalsa, onda Qyzylordanyń 700 myń adamy kúnkórissiz qalady. Sý mamyr, maýsym, tipti shildege deıin jeter. Al dál ónim piser kezde sý jetpeı qalatyn bolady. Jalpy, bizdi barlyq qoımalaryn tıimdi rejimde baqylap otyrmyz»,- dedi ol.
Esterińizge sala ketsek, ótken aptadaǵy Úkimet otyrysynda QR Іshki ister mınıstri Qalmuhanbet Qasymov Óskemen men Fedorov sý qoımalary 97 paıyzǵa tolyp turǵandyǵyn ári óńirge qaýip tóndirip otyrǵandyǵyn aıtqan edi.