Óskemen men Almaty arasyndaǵy jolda qalǵan 200-ge jýyq kólikti polıtsııa alyp júrdi
ÓSKEMEN. KAZINFORM — Shyǵys Qazaqstan oblysynda aýa raıynyń qolaısyzdyǵyna, naqty aıtqanda qatty jel, kóktaıǵaq jáne joldyń durys kórinbeýine baılanysty 200-ge jýyq kólik jolda qalǵan.
Polıtsııa qyzmetkerleri Óskemen-Almaty tasjolyndaǵy qaýipti ýchaskelerde qalǵan kólikterdi alyp júrdi. Jalpy sany 200-ge jýyq avtokólik qaýipsiz jerge jetkizildi.
— Qozǵalys barlyq saqtyq sharalaryn saqtaı otyryp, patrýldik ekıpajdardyń baqylaýymen uıymdasqan kolonnalarmen júrgizildi. Qazirgi ýaqytta tártip saqshylary kúsheıtilgen rejımde jumys isteýdi jalǵastyrýda. Qosymsha jasaqtar jumyldyrylyp, tótenshe jaǵdaılar qyzmetterimen ózara is-qımyl ornatylǵan, — dep habarlady ShQO polıtsııa departamentinen.
Osy rette, polıtseıler júrgizýshilerdi aýa raıy jaǵdaıyn eskerýge, jyldamdyq rejımin saqtaýǵa jáne múmkindiginshe alys saparlardan bas tartýǵa shaqyrdy.
Eske salsaq, osyǵan deıin Abaı oblysynda polıtseıler borandy kúni 150 kólikti súıemeldegeni habarlanǵan.
