Óskemen kóshelerine kóktaıǵaqqa qarsy ne sebilip jatyr

ÓSKEMEN. KAZINFORM – Óskemen qalasynda kóktaıǵaqqa qarsy materıal retinde tuzdy molynan paıdalanýdan bas tartý týraly sheshim qabyldandy.

Byltyr qala turǵyndary kóshelerge tuzdyń sebilýine qarsylyq bildirgen bolatyn. Olardyń aıtýlarynsha, tuz qoldanylatyn qospa kólik dóńgelekteri men aıaq kıimdi búldiredi. 

Bıyl Óskemen qalasynyń ákimdigi kóktaıǵaqqa qarsy materıal retinde tuzdy molynan paıdalanýdan bas tartý týraly sheshim qabyldaǵan. 

- Qala turǵyndarynyń ótinishi boıynsha bıyl qoldanylatyn tuz mólsheri azaıtyldy. Tek qaýipti ýchaskeler men ótkelderde ǵana 30% tuz ben 70% qum qospasy qoldanylady, al qalanyń basqa aýdandarynda 100% qum qoldanylady, - delingen ákimdik taratqan aqparatta. 

Eske salsaq, osyǵan deıin Óskemen qalasynda aýa qolaısyzdyǵyna baılanysty jol apaty kúrt kóbeıgeni habarlanǵan.