Óskemen kóshelerine «aqyldy shamdar» ornatý jumystary bıyl da jalǵasady
NUR-SULTAN. QazAqparat – Óskemen men Semeıde byltyr kóshelerdi jaryqtandyrý baǵytynda úlken ınfraqurylymdyq joba bastalǵan bolatyn. Biraq onyń negizgi bóligi 2021 jyldyń kóktemi men jazynda júzege asyrylady.
Bul týraly QazAqparat YK-news.kz saıtyna silteme jasap habarlaıdy.
Ideıany júzege asyrýǵa Eýropalyq qaıta qurý jáne damý banki qarajat bólgen. Jobanyń jalpy quny 8 400 mıllıon teńge.
«Joba boıynsha Óskemende 14,3 myń dana jáne Semeıde 7,6 myń dana jaryqdıodty shamdar ornatylady. Sonymen qatar, apatty jaǵdaıda turǵan 687 baǵandy, 342 shaqyrym kabeldi jáne 410 úlestirý qurylǵylarynyń shkaftaryn aýystyrý josparlanýda. Sondaı-aq, jaryqty basqarýǵa arnalǵan biryńǵaı dıspetcherlik ortalyqtar jumysqa qosylady», - deıdi Energetıka jáne turǵyn úı-kommýnaldyq sharýashylyq basqarmasy basshysynyń orynbasary Alma Qaıraqanova.
