Óskemen kóshelerin sý basty
ASTANA. QazAqparat - Óskemende kúnniń kúrt jylynýynan qala kóshelerin sý basty, dep habarlaıdy QazAqparat qala ákimdiginiń baspasóz qyzmetine silteme jasap.
«Kúnniń jylynýynan kóptegen kóshelerde úlken shalshyqtar paıda boldy. Sondyqtan, búgin bar kúshimizdi sýdy sorǵymen alýǵa jumsadyq, jańbyr sýy aǵatyn arnalardy ashtyq», - dep atap ótti «Óskemen Tártip» basshysy Tamara Raqymjanova.
Sonymen birge, qala mańyndaǵy aýmaq ta qar men sýdan tazartylyp jatyr.
«Árıne, erigen qar sýy keshke qaraı kóktaıǵaq muzǵa aınalady. Bul kúnderi qalalyqtar asa saq bolǵany jón. Qansha qum sepkenimizben, tańǵy jáne keshki ýaqytta muz paıda bolady», - dep óz sózin tolyqtyrdy T. Raqymjanova.
Kóktaıǵaqqa qatysty qalalyqtardan shaǵym túsip úlgerdi jáne jeli qoldanýshylarynyń jazýynsha, keıbir ákimshilik jáne kommertsııalyq nysandarda júrý qıyndaı túsken. Osyǵan baılanysty qala ákimdigi qarjylyq mekemelerdiń, shaǵyn jáne orta bıznes nysandary ókilderine jáne kommertsııalyq nysan basshylaryna óz aýmaqtaryn ýaqytynda tazartyp, qum seýip turýdy tapsyrdy.
Jaqyn kúnderi óńirde túngi ýaqytta erigen qar sýy qatatyndaı temperatýralyq rejım saqtalady. Sınoptıkterdiń habarlaýynsha, erteń kúndiz Óskemende aýa temperatýrasy 3-5°, túnde - 12-14° bolady.
