Óskemen kóshelerin qardan tazartý boıynsha jedel shtab quryldy
ÓSKEMEN. QazAqparat - Óskemen qalasynda kóshelerdi qardan tazartý jumystaryn qadaǵalaý maqsatynda jedel shtab qurylǵan, dep habarlaıdy QazAqparat.
Óskemende sońǵy kúnderi tolassyz jaýǵan qardy tazalaýǵa tehnıkalar men jumys kúshi azdyq etýde. Osyǵan oraı «Shyǵys» óńirlik qolbasshylyǵynyń sarbazdary men eriktiler tartylǵan.
«Qar tazartý jumystary jáne tehnıkalardyń bekitilgen marshrýtqa saı júrýi turaqty baqylaýda. Qala ákimi Jaqsylyq Omardyń tapsyrmasymen «Jańa Sogra» MKK bazasynda táýlik boıy jumys isteıtin shtab quryldy. Polıtsııa basqarmasymen jáne barlyq jaýapty bólimdermen únemi baılanystamyz», - dep habarlady Óskemen qalasy ákimdiginiń baspasóz qyzmeti.
