Óskemen kósheleri keńeıtilip jatyr
ÓSKEMEN. QazAqparat – Óskemen qalasynda birqatar kósheler keńeıtilýde, dep habarlaıdy QazAqparat tilshisi.
Qala ákimdiginiń málimetine súıensek, bıyl Shyǵys Qazaqstan oblysynyń ortalyǵyndaǵy birneshe kóshede jol jıegi keńeıtilýde. Osy rette aýqymdy jumystar Shákárim dańǵylynda júrgizilýde.
Gogol kóshesinen Belınskıı kóshesine deıingi aralyqta qosymsha eki jolaq qosylmaq. Sonymen qatar Pogranıchnaıa kóshesi de keńeıtilip jatyr.
«Budan bólek, Toǵas kóshesinde jóndeý jumystary qarqyn alǵan. Búgin jóndelgen ýchaskeni Ponton kópirimen qosý aıaqtaldy. Birneshe kúnnen keıin jańartylǵan jol avtokólik júrgizýshileri úshin ashyq bolady», - dep habarlady ákimdikten.
