Óskemen qalasynyń ákimi Qabanbaı batyrdyń eskertkishin tazalady
ÓSKEMEN. QazAqparat - Óskemen qalasynyń ákimi Qýat Tumabaev senbilikke qatysyp, Qabanbaı batyr eskertkishin jýdy, dep habarlaıdy «QazAqparat» HAA tilshisi ákimdiktiń baspasóz qyzmetine silteme jasap.
Ol sondaı-aq, «Karavaı» nan zaýytynyń jumysshylaryna Ulan aýdanyndaǵy Gerasımovka aýylynyń janyndaǵy ózenniń jaǵasyn qoqystardan tazartýǵa kómektesip, birlesip 200 qap qoqys jınady. 
Qalalyq ákimdik qoqystardy shyǵarýǵa qajetti tehnıkalardy jumyldyrýǵa kómektesti. Nan zaýytynyń dırektory Nurjan Jańabaev ózen jaǵasyn qoqystan tazartý - zaýyt ujymynyń bastamasy ekendigin aıtty. Ol jerlesterin qorshaǵan ortany lastamaı, taza ustaýǵa shaqyrdy.
