Óskemen qalasyndaǵy «Zaşıta» shaǵyn aýdanynyń turǵyndary úshin elektr qýatynyń baǵasy tómendetildi
ÓSKEMEN. Qazannyń 28-i. QazAqparat /Lıýdmıla Malko/ - Óskemen qalasynyń bıiligi men «Zaşıta» shaǵyn aýdany turǵyndarynyń ótinishi boıynsha osy aýdanǵa endi «Shyǵysenergotreıd» JShS qyzmet kórsetetin bolady. Qarashanyń 1-nen bastap «Zaşıta» shaǵyn aýdanynyń halqy burynǵydan tómendetilgen baǵa boıynsha sapaly energııamen qamatamasyz etiletin bolady - «Shyǵysenergotreıd» kompanııasy «Zaşıta» aýdanynda turatyn eki myńnan astam halyqqa energııa tasymaldaıdy.
Bir menshikten ekinshi jekemenshikke aýystyrylyp kelgendikten, osy temirjol aýdanynyń halqyn energııa qýatymen qamatamasyz etý uzaq ýaqyttan beri sheshimin tappaǵan másele bolyp kelgen edi. Bul suraqty sheshý úshin energetıkter, qarapaıym halyq pen qala bıligi arasynan arnaıy komıssııa qurylǵan bolatyn. Komıssııa 2011 jylǵy qańtardyń 1-nen bastap Zaşıta aýdanynyń barlyq ıesiz qalǵan elektrjelilerin «ShQ REK» AQ-ǵa berý týraly sheshim shyǵardy.
Elektr qýaty qunynyń tómendeýimen qatar, tutynýshylar endi tólemderdi kez kelgen ekinshi deńgeıli bank bólimshelerine, «Qazposhta» bólimsheleri men termınaldaryna kelip tóleı alady, mundaı qyzmet túri buryn bolmaǵan edi. Halyq tikeleı energııamen qamtamasyz etýshige baryp esep jasasatyn.
