Óskemen qalasy men Sibe kólderi arasynda avtobýs qatynasy jolǵa qoıylady
ÓSKEMEN. QazAqparat - 6 shildede Shyǵys Qazaqstan oblysynda demalýshylar úshin «Óskemen - Sibe kólderi» baǵytyndaǵy avtobýs marshrýty iske qosylady, dep habarlaıdy «QazAqparat» HAA tilshisi ShQO aqparattyq ortalyǵyna silteme jasap.
Avtobýstar oblys ortalyǵynyń avtobeketi men Shalqar kóli (úshinshi Sibe kóli) aralyǵynda kúndelikti qatynaıtyn bolady. Óskemennen shyǵý ýaqyty saǵat 08:00, Sibe kólderinen shyǵý ýaqyty saǵat 18:00. Qosymsha aqparatty 8 (723) 270 02 25, 8(7233)827 159 telefondary arqyly alýǵa bolady.
Astana kúninde ShQO Shalqar kólindegi mýnıtsıpaldy jaǵajaı týrısterdi qabyldaýǵa daıyn bolady.
Esterińizge sala ketsek, ShQO ákimi Danıal Ahmetov Alakól men Sibe kólderindegi jaǵdaıǵa basa nazar aýdaryp, óńirdegi týrızmdi damytýdy jolǵa qoıyp keledi. Óńir basshysy Ulan aýdanynyń ákimi Dáýlet Batyrbaevqa Sibe kólderindegi olqylyqtardy 6 shildege deıin túzetýdi tapsyrǵan bolatyn.
