Óskemen qalasynyń ákimi taǵaıyndaldy
ÓSKEMEN. KAZINFORM — Óskemen qalasynyń ákimi bolyp Almat Akyshov taǵaıyndaldy.
Ol buǵan deıin Kúrshim aýdanynyń ákimi laýazymyn atqarǵan. Almat Talǵatuly Shyǵys Qazaqstan oblysy Kúrshim aýdanynda dúnıege kelgen.
Gýmılev atyndaǵy Eýrazııa ulttyq ýnıversıtetin týrızm mamandyǵy boıynsha, Almaty ekonomıka jáne statıstıka akademııasyn ekonomıka jáne bıznes mamandyǵy boıynsha, QR Prezıdenti janyndaǵy Memlekettik basqarý akademııasyn óńirlik damý magıstri biliktiligi boıynsha támamdaǵan.
Eńbek jolyn elordadaǵy «Qazaqstan ortalyq kontsert zaly» ákimshilik-sharýashylyq bóliminiń bılet baqylaýshysynan bastaǵan.
2012 jyldan Óskemen qalalyq týrızmdi damytý bóliminiń mamany, keıin Dene shynyqtyrý-saýyqtyrý kesheni uıymdastyrý bóliminiń basshysy boldy.
2015-2018 jyldary Aýyl sharýashylyǵy mınıstrliginde sarapshy jáne bas sarapshy laýazymdarynda qyzmet etti.
2018-2020 jyldary ShQO Ulan aýdany ákimi apparatynyń basshysy bolǵan.
2020-2021 jyldary ShQO Aıagóz aýdany ákiminiń ekonomıka jáne turǵyn úı-kommýnaldyq sharýashylyq máseleleri jónindegi orynbasary bolyp jumys istedi.
2021 jyldyń qańtar aıynan 2022 jyldyń qyrkúıegine deıin ShQO energetıka jáne TÚKSh basqarmasynyń basshysy laýazymyn atqarǵan.
2022 jyldyń 28 qyrkúıeginen osy ýaqytqa deıin Kúrshim aýdanynyń ákimi boldy.
Buǵan deıin habarlaǵanymyzdaı, Serik Jeńisov ShQO Samar aýdanynyń ákimi bolyp taǵaıyndaldy.