Óskemen qalasy ákiminiń jańa orynbasary taǵaıyndaldy

ÓSKEMEN. KAZINFORM – Óskemen qalasy ákiminiń orynbasary bolyp Abzal  Máýlethanov taǵaıyndaldy.

Abzal Asqaruly Óskemen qalasyndaǵy S.Amanjolov atyndaǵy Shyǵys Qazaqstan ýnıversıtetinde jáne Alikhan Bokeikhan University-de bilim alǵan.

Memlekettik qyzmettegi eńbek ótili – 8 jyl. Ár jyldary Zaısan, Altaı, Úrjar, Glýbokoe aýdandarynda qyzmet etken. Óskemen qalasynyń qarjy bólimin basqarǵan.

Sońǵy jumys orny – Óskemen qalasynyń turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń basshysy.

Eske salsaq, buǵan deıin Іshki ister mınıstriniń buıryǵymen ShQO Polıtsııa departamenti bastyǵynyń birinshi orynbasary laýazymyna polıtsııa polkovnıgi Tókenov Almaz Tilegenuly taǵaıyndalǵany habarlanǵan.