Óskemen qalasy ákiminiń jańa orynbasary taǵaıyndaldy

ÓSKEMEN. KAZINFORM – Óskemen qalasy ákiminiń orynbasary laýazymyna Bolatbek Mamarbaev taǵaıyndaldy.

Bolatbek Omarbekuly 1988 jyly Abaı oblysy Úrjar aýdany, Maqanshy aýylynda dúnıege kelgen. Rıdder agrarlyq-tehnıkalyq kolledjin «Іs júrgizýdi uıymdastyrý jáne arhıvtaný» mamandyǵy boıynsha, Shyǵys Qazaqstan ýnıversıtetin «Memlekettik jáne jergilikti basqarý» mamandyǵy boıynsha, Qazaqstan Respýblıkasy Prezıdentiniń janyndaǵy Memlekettik basqarý akademııasyn «Bıznes jáne basqarý magıstri» mamandyǵy boıynsha aıaqtaǵan.

2009–2011 jyldary Rıdder qalasy ákiminiń apparatynyń jumyldyrý daıyndyǵy, azamattyq qorǵanys jáne tótenshe jaǵdaılar jónindegi bas mamannyń assıstenti, 2011–2012 jyldary Rıdder qalasynyń ishki saıasat bóliminiń jetekshi mamany, 2012–2014 jyldary Shyǵys Qazaqstan oblysy Іshki saıasat basqarmasynyń taldaý jáne monıtorıng bóliminiń bas mamany bolyp jumys istegen. 

2014–2020 jyldary Shyǵys Qazaqstan oblysy Ulan aýdanynyń ishki saıasat bóliminiń basshysy,

2020–2022 jyldary Ulan aýdany ákimi apparatynyń basshysy laýazymyn atqardy.

2022-2025 jyldary Shyǵys Qazaqstan oblysy Tarbaǵataı aýdany ákiminiń orynbasary, 2025–2026 jyldary Óskemen qalasy ákiminiń keńesshisi boldy.

Eske salsaq, buǵan deıin Qyzylorda oblystyq sadaq atý federatsııasynyń basshysy taǵaıyndalǵany habarlanǵan.