Óskemen qalalyq bilim bóliminiń basshysy sottaldy

ÓSKEMEN. KAZINFORM – Óskemen qalalyq bilim bóliminiń burynǵy basshysy laýazymyn asyra paıdalanǵany úshin 1 jylǵa bas bostandyǵynan shekteldi.

Sot isi qalalyq №2 sotta qaraldy. Belgili bolǵandaı, E. esimdi áıel óziniń tanysy B.-ǵa Óskemen qalalyq bilim bólimine aýdarmashy retinde jumysqa ornalasýdy usynǵan. Oǵan naqty jumys istemeı-aq aı saıyn jalaqy alyp otyratyndyǵyn jetkizgen. 

- Aıyptalýshy bul áreketin júzege asyrý úshin bilim bóliminiń basshysy S.-ǵa júginip, odan tanysyn jumysqa ornalastyrýǵa kómektesýin suraǵan. Bólim basshysy kelisim bergen. Osynyń saldarynan Óskemen qalalyq bilim bólimine 1 394 458 teńge kóleminde materıaldyq shyǵyn keltirilgen, - dep habarlady Shyǵys Qazaqstan oblystyq sotynyń baspasóz qyzmetinen.

Sot otyrysynda aıyptalýshylar óz kinálaryn moıyndamady. Alaıda sot E.-ny alaıaqtyq jasaǵany úshin kináli dep tanyp, 3 jylǵa bas bostandyǵynan aıyrý jazasyn taǵaıyndady. Al bilim bólimniń burynǵy basshysy qyzmettik ókilettigin asyra paıdalanǵany úshin 1 jylǵa bas bostandyǵyn shekteldi. 

Úkim áli zańdy kúshine engen joq.

Eske salsaq, Aqtóbeniń bas sanıtarııa dárigeri sottalǵany habarlanǵan.