Óskemen irgesinen ótken ǵasyrda jasalǵan, atýǵa jaramdy myltyq tabyldy

ÓSKEMEN. QazAqparat – Óskemen qalasynyń irgesinen taǵy da qarý jasyrylǵan oryn anyqtaldy, dep habarlaıdy QazAqparat tilshisi.

ShQO boıynsha QAJ departamenti baspasóz qyzmetiniń málimetine súıensek, №17 túzetý mekemesiniń qyzmetkerleri polıtseılermen birlesip, qarý jasyrylǵan oryndy anyqtady.

Qarý Samsonovka kentindegi kópir astynan tabyldy. Saraptama kórsetkendeı, bul - HH ǵasyrda jasalǵan «ZK» markaly aǵash myltyqtyń kesindisi. Atýǵa jaramdy.

«Qazirgi ýaqytta atalǵan fakti boıynsha QR Qylmystyq Kodeksiniń 287-baby 3-bóligine (Qarýdy, oq-dárilerdi, jarylǵysh zattardy jáne jarylǵysh qurylǵylardy zańsyz alý, berý, ótkizý, saqtaý, tasymaldaý nemese alyp júrý) sáıkes sotqa deıingi tergeý amaldary bastaldy. Aldyn ala málimet boıynsha qarý osy jerde eki jyldan astam ýaqyt saqtalǵan. Bul - tamyz aıy bastalǵaly polıtseılermen birlesip anyqtalǵan qarý jasyrylǵan ekinshi oryn», - deıdi túzetý mekemesi bastyǵynyń orynbasary Ernar Ibraev.

Eske salsaq, osyǵan deıin Óskemen túrmesinde jazasyn óteýshi jasyrylǵan qarý-jaraq týraly aıtqanyn habarlaǵan edik.