Óskemen irgesindegi sharýa qojalyǵynda 450 tonna pishen janyp ketti
ÓSKEMEN. QazAqparat – Óskemen qalasynyń irgesindegi sharýa qojalyǵynda 450 tonna pishen janyp ketti, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, 18 qazanda Óskemen mańyndaǵy Novo-ıAvlenka kentinde ornalasqan sharýa qojalyǵy aýmaǵynda órt bolǵan. Oqıǵa ornyna qutqarýshylar shuǵyl jetken.
«450 tonna pishen janyp ketti. Qazirgi ýaqytta órttiń naqty neden shyqqany belgisiz. Otty aýyzdyqtaýǵa barlyǵy 9 adam men 2 tehnıka tartyldy», - delingen aqparatta.
Aıta keteıik, jyl basynan beri óńir boıynsha 1000 tonnadan astam pishen janǵan.
Kóp jaǵdaıda órttiń shyǵýyna – otty abaısyz qoldaný sebep bolýda. Sondaı-aq órt qaýipsizdigi talaptaryn saqtamaıtyndar da jıi kezdesedi.
Eske salsaq, osyǵan deıin ShQO qutqarýshylarynyń bıyl ǵaryshtan baqylaý arqyly 658 órttiń taralýyn ýaqtyly tejegeni habarlanǵan.
